കല്‍പ്പറ്റ: ധര്‍മസംവാദം എന്ന പേരില്‍ നടത്തപ്പെടുന്ന ഹിന്ദുമഹാസമ്മേളനം നാളെ മീനങ്ങാടി ശ്രീകണ്ഠഗൗഡര്‍ സ്റ്റേഡിയത്തില്‍ വച്ച് നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
കോഴിക്കോട് കൊളത്തൂര്‍ കേന്ദ്രമായി ശ്രീമദ് ചിദാനന്ദപുരു സ്വാമികള്‍ സ്ഥാപിച്ച അദ്വൈതാശ്രമത്തിന്റെ രജതജയന്തി ആഘോഷത്തോടനുബന്ധിച്ച് എല്ലാ ജില്ലകളിലും ധര്‍മസംവാദം നടത്തുന്നുണ്ട്. ജില്ലയിലെസമ്മേളനം ഹിന്ദുസമുദായത്തിന് വ്യക്തമായ ദിശാബോധം പകര്‍ന്നു നല്‍കും. സാംസ്‌കാരിക-സാമുദായിക പ്രസ്ഥാനങ്ങളുടെ കൂട്ടായ്മയോടെ നടത്തപ്പെടുന്ന പരിപാടിയില്‍ ഹൈന്ദവസമൂഹത്തിലെ എല്ലാ വിഭാഗത്തില്‍നിന്നുമുള്ള ജനങ്ങല്‍ പങ്കെടുക്കും. വാര്‍ത്താസമ്മേളനത്തില്‍ ബ്രഹ്മചാരി വേദചൈതന്യ, ബാബു കട്ടയാട്, ചന്ദ്രഗിരി മോഹനന്‍ പങ്കെടുത്തു.