പെരിന്തല്‍മണ്ണ: അര്‍ബന്‍ ബാങ്കിന്റെ ശതാബ്ദി ആഘോഷങ്ങളുടെ സമാപനസമ്മേളനം മുന്‍മന്ത്രി പാലോളി മുഹമ്മദ്കുട്ടി ഉദ്ഘാടനം ചെയ്തു. ബാങ്കിന് കീഴില്‍ പെരിന്തല്‍മണ്ണ ബൈപാസില്‍ ആരംഭിക്കുന്ന 24ാമത് ശാഖയുടെ ഉദ്ഘാടനം ബാങ്കിന്റെ മുന്‍ ചെയര്‍മാന്‍ പി.പി വാസുദേവനും നിര്‍വഹിച്ചു.
ചടങ്ങില്‍ ബാങ്ക് വൈസ് ചെയര്‍മാന്‍ പി.സി ഷംസുദ്ദീന്‍ അധ്യക്ഷനായി. മൊബൈല്‍ ബാങ്കിങിന്റെയും ഇന്റര്‍നെറ്റ് ബാങ്കിങിന്റെയും ഉദ്ഘാടനം സഹകരണ ജോയിന്റ് രജിസ്ട്രാര്‍ എം.ടി ദേവസ്യ നിര്‍വഹിച്ചു.
ബാങ്കിന്റെ ആദ്യ നിക്ഷേപം സംസ്ഥാന സഹകരണ ബാങ്ക് ഡയറക്ടര്‍ വി.രമേശന്‍ സ്വീകരിച്ചു. ഡോ.എ.മുഹമ്മദ് വായ്പാവിതരണം നടത്തി.