മട്ടാഞ്ചേരി : മുതിര്‍ന്ന മാധ്യമ പ്രവര്‍ത്തകയായ ഗൗരി ലങ്കേഷിന്റെ ഘാതകരെ അറസ്റ്റ് ചെയ്യാത്തതിനെതിരെ ചിത്രകാരന്മാര്‍ പ്രതിഷേധിച്ചു. കേരള ഗ്രാമ സ്വരാജ് ഫൗണ്ടേഷന്‍ തോപ്പുംപടി ബി.ഒ.ടി പാലത്തിന് സമീപം സംഘടിപ്പിച്ച ചടങ്ങില്‍ ചിത്രകലാകാരന്മാര്‍ പ്രതിഷേധ സൂചകമായി ചിത്രം വരച്ചു.മുന്‍ മേയര്‍ കെ.ജെ.സോഹന്‍ ഉദ്ഘാടനം ചെയ്തു. ഗ്രാമ സ്വരാജ് സംസ്ഥാന സെക്രട്ടറി വി.ഡി.മജീന്ദ്രന്‍ അധ്യക്ഷത വഹിച്ചു. കൗണ്‍സിലര്‍മാരായ തമ്പി സുബ്രഹ്മണ്യന്‍, ടി.കെ.അഷ്‌റഫ്, സി.ജെ.കുഞ്ഞുകുഞ്ഞ്, അഭിലാഷ് തോപ്പില്‍, കെ.പ്രഭാകരന്‍, പി.എം.ഹനീഫ്, കെ.സുരേഷ്, ടി.എം.റിഫാസ്, പി.എ.സഗീര്‍ തുടങ്ങിയവര്‍ പ്രസംഗിച്ചു. ചിത്രകാരന്മാരായ കെ.പി.ശശി, എം.ബി.അഷ്‌റഫ്, സഞ്ജയ് ഫോര്‍ട്ട്‌കൊച്ചി, രഞ്ജിത്ത്.വി.എസ് എന്നിവരുടെ നേതൃത്വത്തിലായിരുന്നു പ്രതിഷേധ ചിത്രരചന.