തളിപ്പറമ്പ്: പരിയാരം മെഡിക്കല്‍ കോളജ് പ്രിന്‍സിപ്പലിന്റെ ഓഫീസ് മുറിയില്‍ വിഷപ്പാമ്പിനെ കണ്ടെത്തി. കഴിഞ്ഞദിവസം രാത്രിയാണ് ഡോ. കെ. സുധാകരന്റ ഓഫിസ് മുറിയിലെ ഇരിപ്പിടത്തിനു പിറകിലായി വെള്ളിക്കെട്ടനെ കണ്ടത്. സെക്യൂരിറ്റി ജീവനക്കാരന്‍ ലൈറ്റണക്കാന്‍ മുറിയിലെത്തിയപ്പോഴാണ് പാമ്പിനെ കണ്ടത്. ഉടന്‍ കൂടുതല്‍ സുരക്ഷാ ജീവനക്കാരെ വിളിച്ചുവരുത്തി പാമ്പിനെ അടിച്ചുകൊല്ലുകയായിരുന്നു. വിദ്യാര്‍ഥികളുടെ ഹോസ്റ്റലില്‍ ഉള്‍പ്പെടെ ചുറ്റും കാടുപിടിച്ചു കിടക്കുന്ന മെഡിക്കല്‍ കോളജ് പരിസരത്ത് അടുത്തകാലത്തായി വിഷപ്പാമ്പുകളെ കണ്ടെത്തുന്നത് ഏറിയിട്ടുണ്ട്.