കാസര്‍കോട്: ജില്ലയുടെ ഭരണ സിരാ കേന്ദ്രത്തിനു സമീപത്തെ വിളക്കുകാലില്‍ നിന്നു ഒടുവില്‍ വെള്ളിവെളിച്ചം വിതറി. വിദ്യാനഗര്‍ കവലയിലെ വിളക്കുകാലില്‍ നിന്നാണു കഴിഞ്ഞ ദിവസം മുതല്‍ വെളിച്ചം വിതറി തുടങ്ങിയത്.
എസ്.പി ഓഫിസ്, എ.ആര്‍.ക്യാംപ്, കോടതി കോംപ്ലക്‌സ്,ജില്ലാ വ്യവസായ കേന്ദ്രം, സിവില്‍ സ്റ്റേഷന്‍ ഉള്‍പ്പെടെയുള്ള വിവിധ സര്‍ക്കാര്‍ ഓഫിസുകളിലേക്കു ജനങ്ങള്‍ സഞ്ചരിക്കുന്നതിനു പുറമേ മായിപ്പാടി ഡയറ്റ്, മറ്റു കേന്ദ്രങ്ങള്‍ ഉള്‍പ്പെടെയുള്ളവയിലേക്കു പോകുന്നവരും സന്ധ്യാ സമയങ്ങളില്‍ തിരികെ തങ്ങളുടെ പ്രദേശങ്ങളില്‍ പോകുന്നവരും ഉള്‍പ്പെടെ നൂറു കണക്കിന് ആളുകള്‍ ബസ് കാത്തു നില്‍ക്കുന്ന പ്രദേശം കൂടിയാണിത്.
അതിരാവിലെ മുതല്‍ അര്‍ധരാത്രി വരെ ഈ കവലയില്‍ ജനങ്ങള്‍ എപ്പോഴും ഉണ്ടാകുന്നതും സഞ്ചരിക്കുന്നതും സാധാരമാണ്. ദേശീയ പാതയില്‍ നിന്നും വഴിപിരിയുന്നു സീതാംഗോളി റോഡിനു അറിയപ്പെടുന്ന ഇവിടെ പാതയില്‍ ഡിവൈഡര്‍ സ്ഥാപിച്ചതോടെയാണ് നിലവിലുള്ള വിളക്ക് കാല്‍ താഴെ കിടന്നത്.
ഇതു സംബന്ധമായി 'സുപ്രഭാതം' വാര്‍ത്ത നല്‍കിയിരുന്നു.