റിയാദ്: മലപ്പുറം സ്വദേശിയെ സഊദിയില്‍ മരിച്ച നിലയില്‍ കണ്ടെത്തി. വണ്ടൂര്‍ വാണിയമ്പലം ശാന്തി നഗര്‍ മാനുറായില്‍ അബ്ദുല്‍ ഗഫൂര്‍ (45) ആണ് ജിദ്ദയിലെ താമസ സ്ഥലത്തു മരിച്ച നിലയില്‍ കണ്ടെത്തിയത്.

ജിദ്ദയിലെ ഹയ്യ സാമിറയില്‍ താമസിക്കുന്ന ഗഫൂര്‍ ഏഴു വര്‍ഷം മുന്‍പാണ് ഹൗസ് ഡ്രൈവ് വിസയില്‍ സഊദിയിലെത്തിയത്. എന്നാല്‍, ഇദ്ദേഹം ഇതുവരെ നാട്ടില്‍ പോയിട്ടില്ലെന്ന് നാട്ടുകാര്‍ പറഞ്ഞു. മാനുറായില്‍ ഹംസയുടെയും ആമിനയുടേയും മകനാണ്. സാജിതയാണ് ഭാര്യ. മകള്‍: നീമ.

മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.