മന്ത്രി കെ രാജു
മൂന്ന് ദശാബ്ദക്കാലം കേരളശബ്ദം ഗ്രൂപ്പിന്റെ അമരക്കാരനായിരുന്ന ഡോ. ബി എ രാജാകൃഷ്ണന്റെ നിര്യാണത്തില്‍ വനംവകുപ്പ് മന്ത്രി കെ രാജു അനുശോചനം രേഖപ്പെടുത്തി.
കൊല്ലത്തിന്റെ പൊതുജീവിതത്തില്‍ നിറഞ്ഞുനിന്ന വ്യക്തിത്വമായിരുന്നു അദ്ദേഹത്തിന്റേതെന്നും രാജു അനുശോചന സന്ദേശത്തില്‍ പറഞ്ഞു.
ഗാന്ധിഭവന്‍ അംഗങ്ങള്‍
പത്തനാപുരം: സാമൂഹ്യസാംസ്‌കാരിക ജീവകാരുണ്യപ്രവര്‍ത്തനങ്ങള്‍ക്ക് വഴികാട്ടിയും പത്രമാധ്യമപ്രവര്‍ത്തനങ്ങള്‍ക്ക് ഉദാത്തമാതൃകയുമായിരുന്ന ഡോ. ബി.എം. രാജാകൃഷ്ണന്റെ വിയോഗത്തില്‍ ഗാന്ധിഭവന്‍ കുടുംബം അഗാധമായ ദുഃഖം രേഖപ്പെടുത്തി.
ജി സുഗുണന്‍
കേരളശബ്ദം മാനേജിംഗ് എഡിറ്റര്‍ ഡോ. ബി.എ.രാജാകൃഷ്ണന്റെ നിര്യാണത്തില്‍ കേരള ഫെഡറേഷന്‍ ഓഫ് ദി ബ്ലെന്റ് കൊല്ലം ജില്ലാ യൂനിറ്റ് അനുശോചിച്ചു.

വടക്കേവിള ശശി
കൊല്ലം കൈറ്റ് ക്ലബിന്റെ രക്ഷാധികാരി ഡോ.ബി.എ.രാജാകൃഷ്ണന്റെ വിയോഗത്തില്‍ ചെയര്‍മാനും ഐ.എന്‍.റ്റി.യു.സി. സംസ്ഥാന വൈസ് പ്രസിഡന്റുകൂടിയായ വടക്കേവിള ശശി അനുശോചിച്ചു.
ഒ.ബി രാജേഷ്
കൊല്ലത്തിന്റെ വികസന സ്വപ്നം നെഞ്ചിലേറ്റിയ ഡോ.ബി.എ.രാജാകൃഷ്ണന്റെ വിയോഗത്തില്‍ എ.എന്‍.റ്റി.യു.സി. സംസ്ഥാന വൈസ് പ്രസിഡന്റും കണ്‍സ്യൂമര്‍ പ്രൊട്ടക്ഷന്‍ കൗണ്‍സില്‍ സംസ്ഥാന ജനറല്‍ സെക്രട്ടറിയുമായ ഒ.ബി രാജേഷ് അനുശോചനം രേഖപ്പെടുത്തി.

ഗോപന്‍ കുറ്റിച്ചിറ
ഡോ.ബി.എ.രാജാകൃഷ്ണന്റെ വിയോഗത്തില്‍ വിമുക്തഭട കോര്‍പ്പറേഷന്‍ എംപ്ലോയീസ് യൂനിയന്‍ സംസ്ഥാന ജനറല്‍ സെക്രട്ടറി ഗോപന്‍ കുറ്റിച്ചിറ അനുശോചിച്ചു.

അനുസ്മരണ യോഗം നാളെ
കൊല്ലം പൗരാവലിയുടെ ആഭിമുഖ്യത്തില്‍ ഡോ. ബി.എ.രാജാകൃഷ്ണന്‍ അനുസ്മരണ യോഗം നാളെ വൈകുന്നേരം നാലിന് നാന അങ്കണത്തില്‍ (ലക്ഷ്മിനട ഓഫിസ്) നടക്കും.