ന്യൂഡല്‍ഹി: ചെങ്കോട്ടയ്ക്ക് സമീപത്തു നിന്നും സെല്‍ഫിയെടുക്കവെ ഫോണ്‍ മോഷ്ടിക്കപ്പെട്ടതായി ഇന്ത്യയിലെ ഉക്രൈന്‍ അംബാസിഡറുടെ പരാതി. ഇക്കാര്യം ചൂണ്ടിക്കാട്ടി ആഭ്യന്തര മന്ത്രാലയത്തിനും ഡല്‍ഹി പൊലിസ് കമ്മിഷണര്‍ക്കും ഉക്രൈന്‍ അംബാസിഡര്‍ ഇഗന്‍ പൊലിഖ പരാതി നല്‍കി. കഴിഞ്ഞ ബുധനാഴ്ച്ച രാവിലെ 9.15 ഓടൊയായിരുന്നു സംഭവം.

ചെങ്കോട്ടയിലെ കാഴ്ച്ചകള്‍ കണ്ട് നടക്കുന്നതിനിടെ സെല്‍ഫി എടുക്കുമ്പോള്‍ അജ്ഞാതനായ ഒരാള്‍ മൊബൈല്‍ ഫോണ്‍ തട്ടിപ്പറിച്ച് ഓടുകയായിരുന്നു.

കഴിഞ്ഞ രണ്ട് ദിവസത്തിനിടയില്‍ നൂറോളം പേരെ ചോദ്യം ചെയ്തതായും മോഷ്ടാവിനെ കുറിച്ച് വിവരം ലഭിച്ചതായും ഡല്‍ഹി പൊലിസ് കമ്മിഷണര്‍ മാധ്യമങ്ങളോട് പ്രതികരിച്ചു.