മുംബൈ: മുംബൈയിലെ താനെയില്‍ പാര്‍പ്പിട സമുച്ചയത്തില്‍ വന്‍ തീപിടിത്തം. താനെയിലെ ബിവാണ്ടിയിലുള്ള കെട്ടിടത്തില്‍ ഇന്നലെ രാവിലെയാണ് തീപിടിത്തമുണ്ടായത്. അഗ്‌നിശമന സേനാംഗങ്ങള്‍ സ്ഥലത്തെത്തിയാണ് തീയണച്ചത്. ആളപായമുണ്ടായതായി റിപ്പോര്‍ട്ടില്ല. കെട്ടിടത്തില്‍ കൂടുതല്‍ ആളുകള്‍ കുടുങ്ങിക്കിടക്കുന്നുണ്ടെന്ന സംശയത്തെ തുടര്‍ന്ന് രക്ഷാപ്രവര്‍ത്തനം ശക്തമാക്കിയിട്ടുണ്ട്. കെട്ടിടത്തിനു സമീപം രണ്ടു പെട്രോള്‍ ബങ്കുകള്‍ പ്രവര്‍ത്തിക്കുന്നുണ്ടായിരുന്നു. സുരക്ഷ മുന്‍നിര്‍ത്തി ഇവ രണ്ടും അടച്ചതായി അഗ്നിശമന സേന അറിയിച്ചു.