ഡല്‍ഹി: റോഹിംഗ്യന്‍ അഭയാര്‍ഥികള്‍ ഇന്ത്യയിലേക്ക് പ്രവേശിക്കുന്നത് തടയാനുള്ള ശ്രമങ്ങള്‍ ആരംഭിച്ചു.
മുളകു സ്‌പ്രേയും ബോധം നഷ്ടമാവുന്ന ഗ്രനേഡുകളുമാണ് ഇതിനായി ബി.എസ്.എഫ് ഉപയോഗിക്കുന്നതെന്ന് ഔദ്യോഗിക വൃത്തങ്ങള്‍ അറിയിച്ചു. ഇന്ത്യയില്‍ നിലവില്‍ താമസിക്കുന്ന 40,000 അഭയാര്‍ഥികളെ രാജ്യത്ത് നിന്ന് പുറത്താക്കാനുള്ള തീരുമാനമാണ് സര്‍ക്കാരിനുള്ളത്.
പുതുതായി രാജ്യത്തേക്കെത്തുന്നവരെ ഏതുവിധേനയും തടയാനുള്ള ശ്രമത്തിലാണ് അതിര്‍ത്തി സംരക്ഷണ സേന. റോഹിംഗ്യകളെ അറസ്റ്റു ചെയ്യാനോ അവര്‍ക്ക് ശാരീരിക മുറിവേല്‍പ്പിക്കാനോ ശ്രമങ്ങളില്ല.
എന്നാല്‍ ഇവരെ രാജ്യത്ത് താമസിക്കുന്നത് അനുവദിക്കില്ലെന്ന് ബി.എസ്.എഫിലെ മുതിര്‍ന്ന ഉദ്യോഗസ്ഥന്‍ ഇന്നലെ പറഞ്ഞു.