ലണ്ടന്‍: 2017ലെ ഫിഫയുടെ മികച്ച ഫുട്‌ബോള്‍ താരത്തിനായുള്ള പോരാട്ടം ക്രിസ്റ്റ്യാനോ റൊണാള്‍ഡോയും ലയണല്‍ മെസ്സിയും നെയ്മറും തമ്മില്‍. ഫിഫ മെന്‍സ് പ്ലെയര്‍ അവാര്‍ഡിനുള്ള പട്ടിക ഈ മൂന്ന് പേരിലേക്ക് ചുരുങ്ങി. ഒക്ടോബര്‍ 23ന് ലണ്ടനില്‍ നടക്കുന്ന ചടങ്ങില്‍ അന്തിമ വിജയിയെ പ്രഖ്യാപിക്കും. റയല്‍ മാഡ്രിഡ് കോച്ച് സിനദിന്‍ സിദാന്‍, ചെല്‍സി കോച്ച് അന്റോണിയോ കോണ്ടെ, യുവന്റസ് പരിശീലകന്‍ മാസിമിലിയാനോ അല്ലെഗ്രി എന്നിവരാണ് മികച്ച പരിശീലക പുരസ്‌കാരത്തിനുള്ള പട്ടികയിലെ അന്തിമ പേരുകള്‍. മികച്ച ഗോള്‍ കീപ്പര്‍ക്കുള്ള പുരസ്‌കാര പട്ടികയില്‍ യുവന്റസിന്റെ ബുഫണ്‍, റയലിന്റെ കെയ്‌ലര്‍ നവാസ്, ബയേണിന്റെ മാനുവല്‍ നൂയര്‍ എന്നിവരാണിടം പിടിച്ചത്.