സോഷ്യല്‍ ഫോറസ്ട്രി വിഭാഗം ശരിയായ പഠനം നടത്താതെ വിദേശത്ത് നിന്നും വിത്ത് കൊണ്ടു വന്ന് നട്ടുപിടിപ്പിച്ചതാണ് ഈ അധിനിവേശ സസ്യങ്ങള്‍.
വയനാടന്‍ വനമേഖലയുടെ ഏതാണ്ട് ഭൂരിഭാഗം മേഖലകളിലും ഇവ വളരുന്നുണ്ട്. തിരുനെല്ലി പഞ്ചായത്തിലെ വനമേഖലയിലാണ് ഇവ വ്യാപകമായി വളരുന്നത്. ബത്തേരി, മുത്തങ്ങ, ബന്ദിപൂര്‍ മേഖലയിലും കര്‍ണ്ണാടകയിലെ ബെള്ള റെയിഞ്ചിലും ഇവ കടന്നു കൂടിയിട്ടുണ്ട്. ഏതു കാലാവസ്ഥയിലും പെട്ടെന്ന് വളരുമെന്നതാണ് ഇതിന്റെ പ്രത്യേകത. രണ്ടാം വര്‍ഷം പൂത്ത് കായാകും. കായ് ഒന്നുപോലും നഷ്ടപ്പെടാതെ പരിസരം മുഴുവന്‍ കിളിര്‍ത്ത് നിറയും.
ഇതിന്റെ പരിസരത്ത് വന്യമൃഗങ്ങളുടെ സഞ്ചാരപഥം തടയുന്ന ലന്റാന അല്ലാതെ ഒരു പുല്‍ക്കൊടി പോലും വളരില്ല.
അഞ്ചുവര്‍ഷം കൊണ്ട് ഒരു മരം ആയിരക്കണക്കായി ഒരു പ്രദേശം മുഴുവന്‍ കോളനികളാക്കും.