പന്തല്ലൂര്‍: അടിസ്ഥാന സൗകര്യങ്ങളൊരുക്കാത്തതില്‍ പ്രതിഷേധിച്ച് ചേരംങ്കോട് പഞ്ചായത്തിലെ തിരുവള്ളുവര്‍ ഗ്രാമവാസികള്‍ പഞ്ചായത്ത് ഓഫിസിന് മുന്നില്‍ സമരം നടത്തി.
അഞ്ഞൂറോളം കുടുംബങ്ങളാണ് ഗ്രാമത്തിലുള്ളത്. നടപാതകള്‍ നിര്‍മിക്കുക, മണ്ണാത്തിവയല്‍ -തിരുവള്ളുവര്‍ റോഡ് ടാര്‍ ചെയ്യുക, തെരുവുവിളക്കുകള്‍ സ്ഥാപിക്കുക, കുടിവെള്ള പൈപ്പുകള്‍ മാറ്റി സ്ഥാപിക്കുക, മണ്ണൊലിപ്പ് ഭീഷണിയുള്ള വീടുകള്‍ക്ക് സംരക്ഷണ ഭിത്തി നിര്‍മിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം. ഗ്രാമവാസികള്‍ നടത്തിയ സമരത്തിന് കതിരേശന്‍ നേതൃത്വം നല്‍കി. സമരം വേലായുധന്‍ ഉദ്ഘാടനം ചെയ്തു.