അല്‍വാര്‍: രാജസ്ഥാനിലെ പ്രമുഖ ആള്‍ദൈവമായ ഫലഹാരി ബാബ എന്നറിയപ്പെടുന്ന കൗശലേന്ദ്ര പ്രപന്നാചാര്യയെ പീഡനക്കേസില്‍ അറസ്റ്റു ചെയ്തു. അല്‍വാറിലെ തന്റെ ആശ്രമത്തില്‍ വച്ച് 21ഉകാരിയെ പീഡിപ്പിച്ച കേസിലാണ് ഇദ്ദേഹത്തെ അറസ്റ്റു ചെയ്തത്. മൂന്നു ദിവസത്തെ അന്വേഷണത്തിനു ശേഷം ഇന്ന് ഉച്ചയോടെയാണ് ബാബയെ പൊലിസ് അറസ്റ്റു ചെയ്തത്. ലൈംഗീകാതിക്രമമാണ് ഇയാള്‍ക്കെതിരേ പൊലിസ് ചുമത്തിയ കുറ്റം.

അല്‍വാറിലെ സ്വയം പ്രഖ്യാപിത ആള്‍ദൈവമായ ഇദ്ദേഹത്തെ ഉയര്‍ന്ന രക്തസമ്മര്‍ദത്തെത്തുടര്‍ന്ന് ആശുപത്രിയില്‍ പ്രവേശിപ്പിച്ചിരുന്നു. കഴിഞ്ഞ ഒരാഴ്ചക്കു ശേഷം പൊലിസ് സര്‍ക്കാര്‍ ആശുപത്രിയില്‍ പ്രവേശിപ്പിക്കുകയും ആരോഗ്യ നില സാധാരണ പോലെയായതിനെത്തുടര്‍ന്നാണ് എഴുപതുകാരനായ ഇദ്ദേഹത്തെ ഇന്ന് അറസ്റ്റു ചെയ്തത്.