കണ്ണൂര്‍: ജില്ലാ അക്വാട്ടിക് അസോസിയേഷന്‍ ജില്ലാ സീനിയര്‍ നീന്തല്‍ ചാംപ്യന്‍ഷിപ്പ് ഇന്ന് ധര്‍മശാല കെ.എ.പി ബറ്റാലിയന്‍ സ്വിമ്മിങ് പൂളില്‍ നടക്കും. ഉച്ചയ്ക്ക് 12.30ന് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. ടി.വി രാജേഷ് എം.എല്‍.എ മുഖ്യാതിഥിയാകും. അസോസിയേഷന്‍ പ്രസിഡന്റ് എം പ്രകാശന്‍ അധ്യക്ഷനാകും. ആരാധന ബെഗാല്‍, രോഹിത് പ്രകാശ്, സീമോണ്‍ സജിത്ത്, കോച്ച് അനില്‍ ഫ്രാന്‍സിസ് എന്നിവരെ അനുമോദിക്കും. 27ന് തിരുവനന്തപുരത്ത് നടക്കുന്ന സംസ്ഥാന മത്സരത്തിലേക്കുള്ള ജില്ലാ ടീമിനെ ഇന്നു തിരഞ്ഞെടുക്കും. വാര്‍ത്താസമ്മേളനത്തില്‍ അസോസിയേഷന്‍ പ്രസിഡന്റ് എം പ്രകാശന്‍ മാസ്റ്റര്‍, ഡോ.ജഗന്നാഥന്‍, പി.പി മുഹമ്മദലി സംബന്ധിച്ചു.