റിയാദ്: യമനിലെ ഹൂതി കേന്ദ്രത്തില്‍നിന്ന് സഊദി നഗരം ലക്ഷ്യമാക്കി ഹൂതികള്‍ വിക്ഷേപിച്ച ബാലിസ്റ്റിക് മിസൈല്‍ സഊദി തകര്‍ത്തതായി അറബ് സഖ്യസേന അറിയിച്ചു. സഊദിയിലെ ഖമീസ് മുശൈത് നഗരം ലക്ഷ്യമാക്കിയാണു ദേശീയദിനത്തില്‍ ഹൂതികള്‍ ബാലിസ്റ്റിക് ഇനത്തില്‍ പെട്ട മിസൈല്‍ വിക്ഷേപിച്ചത്.
ആക്രമണത്തില്‍ ആളപായമോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല. യമനില്‍നിന്നാണ് മിസൈല്‍ വിക്ഷേപിച്ചത്. അതിശക്തമായ തിരിച്ചടിയില്‍ വിക്ഷേപണകേന്ദ്രം തകര്‍ത്തതായി സഊദി റോയല്‍ എയര്‍ഫോഴ്‌സിനെ ഉദ്ധരിച്ച് സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.