കേളകം: ഏഴാം ക്ലാസ് വിദ്യാര്‍ഥിനിയായ പ്രന്തണ്ട് വയസുകാരിയെ പീഡിപ്പിച്ചതായ പരാതിയില്‍ കൊട്ടിയൂര്‍ സ്വദേശിയെ പൊലിസ് കസ്റ്റഡിയിലെടുത്തു. കൊട്ടിയൂരിലെ സുനില്‍ കുമാര്‍ (42) ആണ് പിടിയിലായത്.
പീഡനത്തിനിരയായ പെണ്‍കുട്ടിയുടെ മൊഴിയുടെ അടിസ്ഥാനത്തിലാണ് കേളകം പൊലിസ് ഇയാളെ കസ്റ്റഡിയിലെടുത്തത്. പോക്‌സോ നിയമ പ്രകാരമാണ് കേസ്. ചൈല്‍ഡ് ലൈനില്‍ നിന്നു ലഭിച്ച വിവരത്തിന്റെ അടിസ്ഥാനത്തിലാണ് പൊലിസ് അന്വേഷണം തുടങ്ങിയത്.തുടര്‍ന്ന് പെണ്‍കുട്ടിയില്‍ നിന്നു വിശദമായ മൊഴിയെടുത്ത് കേസ് രജിസ്റ്റര്‍ ചെയ്യുകയായിരുന്നു. കഴിഞ്ഞ മാസമാണ് കേസിനാസ്പദമായ സംഭവം നടന്നതെന്ന് പൊലിസ് പറഞ്ഞു.