കണ്ണൂര്‍: സര്‍വകലാശാല നാഷണല്‍ സര്‍വിസ് സ്‌കീമിന്റെ ആഭിമുഖ്യത്തില്‍ ജില്ലയില്‍ മാനവ കാരുണ്യ യാത്ര സംഘടിപ്പിക്കുന്നു. കിഡ്‌നി ഫൗണ്ടേഷന്‍ ഓഫ് ഇന്ത്യ ചെയര്‍മാനും കണ്ണൂര്‍ സര്‍വകലാശാലാ പ്രതിഭാ അവാര്‍ഡ് ജേതാവുമായ ഫാ. ഡേവിസ് ചിറമ്മല്‍ നയിക്കുന്ന സൈക്കിള്‍ യാത്ര ഗാന്ധിജയന്തി ദിനത്തില്‍ പയ്യന്നൂരില്‍ ആരംഭിക്കും. നല്ല ജലം, നല്ല ഭക്ഷണം, നല്ല പരിസരം എന്ന സന്ദേശവുമായി നടത്തുന്ന യാത്രയില്‍ ജലപരിശോധന, ശ്രമദാനം, പരിസര ശുചീകരണം തുടങ്ങിയ പ്രവര്‍ത്തനങ്ങള്‍ എന്‍.എസ്.എസ് സന്നദ്ധ പ്രവര്‍ത്തകരുടെ നേതൃത്വത്തില്‍ നടത്തും. ഒക്‌ടോബര്‍ 26നു തലശ്ശേരിയില്‍ സമാപിക്കും.
സംഘാടക സമിതി യോഗം വൈസ് ചാന്‍സലര്‍ ഡോ. എം.കെ അബ്ദുല്‍ ഖാദര്‍ ഉദ്ഘാടനം ചെയ്തു. പ്രോ വൈസ് ചാന്‍സലര്‍ ഡോ. ടി അശോകന്‍ അധ്യക്ഷനായി. രജിസ്ട്രാര്‍ ഡോ. ബാലചന്ദ്രന്‍ കീഴോത്ത്, ഫാ. ഡേവിസ് ചിറമ്മല്‍, നാഷണല്‍ സര്‍വിസ് സ്‌കീം പ്രോഗ്രാം കോഓര്‍ഡിനേറ്റര്‍ കെ.പി മുഹമ്മദ് സംസാരിച്ചു.