തൊടുപുഴ: മദ്യപിച്ച് വഴിയില്‍ വഴക്കുണ്ടാക്കിയതിന് പിടികൂടിയ ശേഷം വൈദ്യപരിശോധനയ്ക്ക് ആശുപത്രിയില്‍ എത്തിച്ചപ്പോള്‍ എസ്.ഐക്കും രണ്ടുപൊലിസുകാര്‍ക്കും യുവാവിന്റെ മര്‍ദനം. ഇയാളെ അറസ്റ്റ് ചെയ്ത ശേഷം റിമാന്‍ഡ് ചെയ്തു.
പുറപ്പുഴ വില്ലേജ് നായ്ക്കനാംകുഴി പാറയില്‍ അഖിലിനെ(27)യാണ് റിമാന്‍ഡ് ചെയ്തത്. ഇയാള്‍ ഓടിച്ച വാഹനം മറ്റൊരു വാഹനത്തില്‍ തട്ടിയതിനെ തുടര്‍ന്നാണ് വഴക്കുണ്ടായതെന്ന് പൊലിസ് പറയുന്നു.
കസ്റ്റഡിയില്‍ എടുത്ത ശേഷം തൊടുപുഴയിലെ ജില്ലാ ആശുപത്രിയില്‍ വൈദ്യപരിശോധനയ്ക്ക് എത്തിച്ചപ്പോഴാണ് പൊലിസ് ഉദ്യോഗസ്ഥരെ മര്‍ദിച്ചത്.