നടുവണ്ണൂര്‍: പേരാമ്പ്ര ഉപജില്ലാ കായികോത്സവത്തിന്റെ ഭാഗമായി നടന്ന വോളിബോള്‍ മത്സരത്തില്‍ സീനിയര്‍ ബോയ്‌സ് ജൂനിയര്‍ ബോയ്‌സ് വിഭാഗത്തില്‍ വാകയാട് ഹയര്‍ സെക്കന്‍ഡറി സ്‌കൂളും സീനിയര്‍ ഗേള്‍സ് ജൂനിയര്‍ ഗേള്‍സ് വിഭാഗത്തില്‍ നടുവണ്ണൂര്‍ ഗവ. ഹയര്‍ സെക്കന്‍ഡറി സ്‌കൂളും ജേതാക്കളായി.
ജൂനിയര്‍ ഗേള്‍സില്‍ പേരാമ്പ്ര ഹയര്‍ സെക്കന്‍ഡറിയും സീനിയര്‍ ഗേള്‍സില്‍ വാകയാട് ഹയര്‍ സെക്കന്‍ഡറിയും രണ്ടാം സ്ഥാനം നേടി. ജൂനിയര്‍ ബോയ്‌സിലും സീനിയര്‍ ബോയ്‌സിലും ജി.എച്ച്.എസ് നടുവണ്ണൂരാണ് റണ്ണര്‍അപ്. എന്‍.ഐസ് കോച്ച് ഇ. അച്യുതന്‍ മാസ്റ്റര്‍ ഉദ്ഘാടനം ചെയ്തു. വാഴോത്ത് സുരേഷ് അധ്യക്ഷനായി. എം.കെ പരീത്, മനോജ് അഴകത്ത്, കെ. അബ്ദുള്‍ ലത്തീഫ് സംസാരിച്ചു.
വിജയികള്‍ക്ക് എന്‍.എം മൂസക്കോയ ട്രോഫി വിതരണം ചെയ്തു.