ന്യൂയോര്‍ക്ക്: മ്യാന്‍മറില്‍നിന്ന് ബംഗ്ലാദേശിലേക്ക് പലായനം ചെയ്ത അഭയാര്‍ഥികളുടെ ആകെ എണ്ണം 700,000 കടന്നെന്ന് യു.എന്‍.
ഓഗസ്റ്റ് 25 മുതല്‍ ആരംഭിച്ച റോഹിംഗ്യകള്‍ക്കെതിരേയുള്ള ആക്രമണത്തില്‍ ബംഗ്ലാദേശില്‍ ഇതുവരെ 480,000 റോഹിംഗ്യകള്‍ എത്തിയെന്ന് യു.എന്‍ വക്താവ് സ്റ്റീഫന്‍ ദുജാറിക് പറഞ്ഞു.
1982 മുതല്‍ മ്യാന്‍മറില്‍ സര്‍ക്കാരിന്റെ നേതൃത്വത്തില്‍ പൗരത്വം നിഷേധിക്കപ്പെട്ട സമൂഹമാണ് റോഹിംഗ്യകള്‍. അവശ്യ സൗകര്യങ്ങളുടെ ആവശ്യത്തിനായി ബംഗ്ലാദേശ് സര്‍ക്കാര്‍ കഴിഞ്ഞ ദിവസം യു.എന്നിനോട് ആവശ്യപ്പെട്ടിരുന്നു.
യു.എന്‍ അഭയാര്‍ഥി ഏജന്‍സിയുടെ ആഭിമുഖ്യത്തില്‍ ബംഗ്ലാദേശിലേക്ക് 100 മെട്രിക് ടണ്‍ ഭക്ഷ്യ വസ്തുക്കള്‍ അയച്ചെന്ന് ദുജാറിക് പറഞ്ഞു.
രïു വിമാനം കൂടി സഹായങ്ങള്‍ക്കായി തയാറാക്കിയിട്ടുï്. ഇപ്പോഴും അഭയാര്‍ഥികളുടെ പ്രവാഹമുï്.
ബംഗ്ലാദേശ് സര്‍ക്കാരിന്റെ അഭ്യര്‍ഥന പ്രകാരം കുതുപലോങ്, നയ്പാറ എന്നീ പുതിയ അഭയാര്‍ഥി ക്യാംപുകളില്‍ എത്തിച്ചേരുന്നവര്‍ക്കായുള്ള സുരക്ഷ യു.എന്‍ അഭയാര്‍ഥി ഏജന്‍സിയുടെ നേതൃത്വത്തില്‍ വര്‍ധിപ്പിച്ചിട്ടുïെന്നും അദ്ദേഹം പറഞ്ഞു.