തലശ്ശേരി: ഇന്നലെ അന്തരിച്ച ഐ.എന്‍.എല്‍ സംസ്ഥാന പ്രസിഡന്റ് എസ്.എ പുതിയവളപ്പിലിന് അന്ത്യോപചാരമര്‍പ്പിക്കാന്‍ സമൂഹത്തിന്റെ നാനാതുറകളില്‍പ്പെട്ടവര്‍ എത്തി.
മന്ത്രി കടന്നപ്പള്ളി രാമചന്ദ്രന്‍, പി.കെ ശ്രീമതി എം.പി, എ.എന്‍ ഷംസീര്‍ എം.എല്‍.എ, ന്യൂനപക്ഷ വികസന കോര്‍പ്പറേഷന്‍ ചെയര്‍മാനും ഐ.എന്‍.എല്‍ സംസ്ഥാന ജനറല്‍ സെക്രട്ടറിയുമായ എ.പി അബ്ദുല്‍ വഹാബ്, സംസ്ഥാന സെക്രട്ടറി എം.എ ലത്തീഫ്, നഗരസഭാ ചെയര്‍മാന്‍ സി.കെ രമേശന്‍, ബി.ജെ.പി നേതാവ് പി.കെ കൃഷ്ണദാസ്, കെ.പി.സി.സി ജന.സെക്രട്ടറിമാരായ പി.രാമകൃഷ്ണന്‍, വി.എ നാരായണന്‍, മുസ്‌ലീം ലീഗ് സംസ്ഥാന വൈസ്പ്രസിഡന്റ് വി.കെ അബ്ദുല്‍ഖാദര്‍ മൗലവി, മുന്‍ മന്ത്രി കെ.പി മോഹനന്‍, മുന്‍ എം.എല്‍.എമാരായ എ.പി അബ്ദുല്ലക്കുട്ടി, കെ.കെ നാരായണന്‍, സി.പി.ഐ നേതാക്കളായ സി.എന്‍ ചന്ദ്രന്‍, സത്യന്‍ മൊകേരി തുടങ്ങി വിവിധ രാഷട്രീയ കക്ഷി നേതാക്കളും സമൂഹത്തിലെ പൗരപ്രമുഖരുമുള്‍പ്പെടെ വന്‍നിര തന്നെ മണ്‍മറഞ്ഞ നേതാവിന് അന്ത്യാഞ്ജലി അര്‍പ്പിക്കാന്‍ തലശ്ശേരി കായ്യത്ത് റോഡിലെ വീട്ടിലെത്തിയിരുന്നു.