ന്യൂഡല്‍ഹി: പ്രധാനമന്ത്രി നരേന്ദ്ര മോദി നാടകം മതിയാക്കി തെരഞ്ഞെടുപ്പ് വാഗ്ദാനം പാലിക്കണമെന്ന് അണ്ണാ ഹസാരെ. അല്ലാത്ത പക്ഷം ഒന്നരമാസത്തിനുള്ളില്‍ ജനകീയ സമരം നടത്തുമെന്ന് ഗാന്ധിയനും സാമൂഹിക പ്രവര്‍ത്തകനുമായ ഹസാരെ പറഞ്ഞു. വലിയ വാഗ്ദാനങ്ങളുമായി അധികാരത്തിലെത്തിയ കേന്ദ്ര സര്‍ക്കാരിന്റെ നാടകങ്ങള്‍ പൊളിയുകയാണ്.നോട്ട് നിരോധനമുള്‍പ്പെടെയുള്ളവ ഇതിന്റെ ഉദാഹരണമാണെന്നും ഹസാരെ കൂട്ടിച്ചേര്‍ത്തു. ലോക്പാല്‍ നടപ്പിലാക്കുവാനായി നടത്തിയ ജനകീയ സമരത്തിന്റെ ശക്തി മറക്കരുതെന്നും ഹസാരെ മുന്നറിയിപ്പ് നല്‍കി. സ്വച്ഛ് ഭാരത് അഭിയാന്‍, കാമറയ്ക്ക് മുന്നിലുള്ള നാടകമാകരുത്. അധികാരത്തിലെത്തിയാല്‍ വിദേശ രാജ്യങ്ങളിലെ കള്ളപ്പണം തിരികെയെത്തിക്കുമെന്ന് പറഞ്ഞത് എവിടെയെന്നും അണ്ണാ ഹസാരെ ചോദിച്ചു.