കോഴിക്കോട്: താമരശ്ശേരിയില്‍ യുവതിയെ നഗ്ന പൂജയ്ക്ക് നിര്‍ബന്ധിച്ചതായി പരാതി. സംഭവത്തില്‍ കേസെടുത്ത പൊലീസ് ഭര്‍ത്താവിനെയും സുഹൃത്തിനെയും അറസ്റ്റ് ചെയ്തു.

അടിവാരം മേലേപൊട്ടിക്കൈ പി.കെ. പ്രകാശന്‍ (46), അടിവാരം വാഴയില്‍ വീട്ടില്‍ വി. ഷമീര്‍ (34) എന്നിവരാണ് പിടിയിലായത്. യുവതിയുടെ കുടുംബപ്രശ്‌നം തീര്‍ക്കാനും അഭിവൃദ്ധിക്കുവേണ്ടിയും നഗ്‌നപൂജനടത്തണമെന്ന് നിര്‍ദേശിച്ച് ഷമീറും, പൂജയുടെ കര്‍മി ചമഞ്ഞ് സമീപിച്ച പ്രകാശനും ചേര്‍ന്ന് നിര്‍ബന്ധിച്ചതായാണ് പരാതിയില്‍ പറയുന്നത്. പ്രതികളെ താമരശ്ശേരി ജെ.എഫ്.സി.എം. കോടതിയില്‍ ഹാജരാക്കി റിമാന്‍ഡ് ചെയ്തു.