ജിദ്ദ: പ്രമുഖ മതപണ്ഡിതനും സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ മെംബറുമായിരുന്ന കാപ്പില്‍ വി.ഉമര്‍ മുസ്‌ലിയാരുടെ നിര്യാണത്തില്‍ ജിദ്ദ ഇസ്‌ലാമിക് സെന്റര്‍, എസ്.കെ.ഐ.സി, എസ്. വൈ.എസ്. സെക്രട്ടേറിയറ്റ് അനുശോചനം രേഖപ്പെടുത്തി. ഒരുപാട് വിജ്ഞാനദാഹികള്‍ക്കു അറിവു പകര്‍ന്നു നല്‍കിയ ഉമര്‍ മൗലവി എളിമയുടെ പര്യായമായിരുന്നുവെന്നും അദ്ദേഹത്തിന്റെ വിയോഗം സമസ്തക്കും, സമുദായത്തിനും തീരാനഷ്ട്ടമാണെന്നും, അദ്ദേഹത്തിന്റെ പേരില്‍ മയ്യിത്ത് നിസ്‌ക്കാരവും, പ്രാര്‍ത്ഥന സദസ്സും നടത്തണമെന്നും ഭാരവാഹികളായ സയ്യിദ് ഉബൈദുല്ല തങ്ങള്‍ മേലാറ്റൂര്‍, അബ്ദുല്ല കുപ്പം, സി.എം. അലിമൗലവി നാട്ടുകല്‍, കരീം ഫൈസി കിഴാറ്റൂര്‍, മുസ്തഫ ബാഖവി ഊരകം, അബൂബക്കര്‍ ദാരിമി ആലംപാടി, അബ്ദുല്‍ ബാരി ഹുദവി, ഹാഫിസ് ജഅഫര്‍ വാഫി, അബ്ദുല്‍ ഹക്കീം വാഫി, സവാദ് പേരാമ്പ്ര എന്നിവര്‍ അനുശോചന കുറിപ്പില്‍ അറിയിച്ചു.