ന്യൂഡല്‍ഹി: ആസ്‌ത്രേലിയന്‍ നായകന്‍ സ്റ്റീവന്‍ സ്മിത്ത് ഇന്ത്യക്കെതിരായ പരമ്പരയിലെ ശേഷിക്കുന്ന മത്സരങ്ങള്‍ക്കുണ്ടാകില്ല. പരുക്ക് കാരണം താരം നാട്ടിലേക്ക് മടങ്ങുകയാണെന്ന് ക്രിക്കറ്റ് ആസ്‌ത്രേലിയ അറിയിച്ചു. സ്മിത്തിന് പകരം ഡേവിഡ് വാര്‍ണറാണ് ടീമിന്റെ നായകന്‍.
നാഗ്പൂരില്‍ നടന്ന ഏകദിന പരമ്പരയിലെ അവസാന മത്സരത്തില്‍ തോളിനേറ്റ പരുക്ക് വഷളായതാണ് സ്മിത്തിന് തിരിച്ചടിയായത്. സ്മിത്തിന് പകരം മാര്‍ക്കസ് സ്റ്റോയിനിസിനെ ടി20 പരമ്പരയില്‍ ഉള്‍പ്പെടുത്തിയിട്ടുണ്ട്. അതേസമയം ഏകദിന പരമ്പര നേരത്തെ നഷ്ടമായ ആസ്‌ത്രേലിയക്ക് സ്മിത്തിന്റെ അഭാവം തിരിച്ചടിയാകും.