തിരുവനന്തപുരം: സോളാര്‍ റിപ്പോര്‍ട്ട് ആവശ്യപ്പെട്ട് ഉമ്മന്‍ചാണ്ടി മുഖ്യമന്ത്രി പിണറായി വിജയന് കത്തയച്ചു. അഡ്വക്കറ്റ് ജനറലും ഡയറക്ടര്‍ ജനറല്‍ ഓഫ് പ്രോസിക്യൂഷനും നല്‍കിയ നിയമോപദേശത്തിന്റെ പകര്‍പ്പുകള്‍ ആവശ്യപ്പെട്ടാണ് കത്ത് നല്‍കിയത്.

പൗരന്‍ എന്ന നിലയിലുള്ള തന്റെ അവകാശം നിഷേധിക്കരുതെന്നും കത്തില്‍ പറയുന്നുണ്ട്. നേരത്തെ വിവരാവകാശ നിയമപ്രകാരം റിപ്പോര്‍ട്ടിന്റെ കോപ്പി ആവശ്യപ്പെട്ട് ഉമ്മന്‍ചാണ്ടി ചീഫ് സെക്രട്ടറിയുടെ ഓഫിസിന് കത്ത് നല്‍കിയിരുന്നു. എന്നാല്‍ റിപ്പോര്‍ട്ട് നിയമസഭയില്‍ വെക്കുന്നതിന് മുന്‍പ് ആര്‍ക്കും നല്‍കില്ലെന്ന നിലപാടിലാണ് സര്‍ക്കാര്‍. കഴിഞ്ഞ ദിവസം മന്ത്രി എ.കെ ബാലനും ഇക്കാര്യം വ്യക്തമാക്കിയിരുന്നു.