കൊണ്ടോട്ടി: ഷാര്‍ജയില്‍ നിന്നെത്തിയ യാത്രക്കാരനില്‍ നിന്ന് 14.85 ലക്ഷം രൂപയുടെ കുങ്കുമപ്പൂവ് പിടികൂടി. കാസര്‍കോട് കുട്‌ലു സ്വദേശി എം.അബ്ദുല്ല മുനീറില്‍(33)നിന്നാണ് 11 കിലോ കുങ്കുമപ്പൂവ് കണ്ടെത്തിയത്.
ഡയറക്ടറേറ്റ് ഓഫ് റവന്യൂ ഇന്റലിജന്‍സ് (ഡി.ആര്‍.ഐ) നല്‍കിയ വിവരത്തിന്റെ അടിസ്ഥാനത്തില്‍ കരിപ്പൂര്‍ എയര്‍ കസ്റ്റംസ് ഇന്റലിജന്‍സ് നടത്തിയ പരിശോധനയിലാണ് കള്ളക്കടത്ത് കണ്ടെത്തിയത്.
ഷാര്‍ജയില്‍ നിന്ന് രാവിലെയുള്ള എയര്‍ ഇന്ത്യ എക്‌സ്പ്രസ് വിമാനത്തിലാണ് ഇയാള്‍ കരിപ്പൂരിലെത്തിയത്. വിമാനം ഇറങ്ങിയ ഉടനെ ഇയാളെ കസ്റ്റംസ് പിടികൂടി പരിശോധിക്കുകയായിരുന്നു. ബാഗിനുള്ളില്‍ അതീവ രഹസ്യമായി ഒളിപ്പിച്ച നിലയിലായിരുന്നു 25 ഗ്രാം വീതമുള്ള 440 പാക്കറ്റുകളായി കുങ്കുമപ്പൂവ് ഉണ്ടായിരുന്നത്.