തിരുവനന്തപുരം: കുടുംബശ്രീ സ്‌കൂളിന്റെ (സമൂഹാധിഷ്ഠിത അയല്‍ക്കൂട്ട പഠന കളരി) സംസ്ഥാനതല പ്രവേശനോത്സവം ഇന്ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. സംസ്ഥാനത്തെ 43 ലക്ഷം അയല്‍ക്കൂട്ട വനിതകളുടെ സാമൂഹിക സാംസ്‌കാരിക വിദ്യാഭ്യാസ പുരോഗതിയും വ്യക്തിത്വ വികസനവും ലക്ഷ്യമിട്ടു തുടങ്ങുന്നതാണ് പരിപാടി. ഇന്ന് 11 ന് വിളപ്പില്‍ പഞ്ചായത്തിലെ പെന്‍പോള്‍ ഗ്രൗണ്ട് ഐക്യത അയല്‍ക്കൂട്ടത്തില്‍ ആണ് ഉദ്ഘാടന ചടങ്ങ് നടക്കുക.
അയല്‍ക്കൂട്ടങ്ങള്‍ കേന്ദ്രീകരിച്ച് വനിതകളുടെ ബൗദ്ധിക നിലവാരവും ഇച്ഛാശക്തിയും ഉയര്‍ത്തുന്നതിനായി വിവിധ വിഷയങ്ങളില്‍ അറിവ് നല്‍കുക എന്നതാണ് ലക്ഷ്യമിടുന്നത്. ഇതിന്റെ ഭാഗമായി ഇന്ന് സംസ്ഥാനത്തെ എല്ലാ അയല്‍ക്കൂട്ടങ്ങളിലും പ്രവേശനോത്സവം സംഘടിപ്പിക്കും.