തുറവൂര്‍: അരൂര്‍ റെയില്‍വേ ട്രാക്കിലിരുന്നു ഉറങ്ങിപ്പോയ യുവാവിനെ ട്രെയിനിടിച്ചു. എറണാകുളം പനങ്ങാട് സ്വദേശി കുട്ടനെ (35)യാണ് തീവണ്ടിയിടിച്ചത്.
ഇടതുകാലും ഇടതു കൈയും ഒടിഞ്ഞ നിലയില്‍ ട്രാക്കിനു സമീപത്ത് വെളളക്കെട്ടില്‍ കിടന്നിരുന്ന ഇയാളെ നാട്ടുകാര്‍ വിവരമറിയിച്ചതിനെ തുടര്‍ന്ന്   അരൂര്‍ പോലിസ്  സ്ഥലത്തെത്തി എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു.
 കഴിഞ്ഞ ദിവസം രാത്രി ചന്തിരൂര്‍ വെളുത്തുളളി ലവല്‍ ക്രോസിനു സമീപമാണ് അപകടം നടന്നതെന്നും പൊലീസ് വ്യക്തമാക്കി. രാത്രിയില്‍ ഇയാള്‍ ചന്തിരൂരില്‍ എത്തിയതിലും ദുരൂഹതയുണ്ടെന്നും എസ്.ഐ.സതീഷ് ചന്ദ്രന്‍ പറഞ്ഞു. പനങ്ങാട് പോലിസ് സ്റ്റേഷനില്‍ കുട്ടനെതിരെ ധാരാളം കേസുകളുണ്ടെന്നു അന്വേഷണത്തില്‍ വ്യക്തമായി.