തിരുവനന്തപുരം: നടി ആക്രമിക്കപ്പെട്ട സംഭവത്തില്‍ ദിലീപിനെ പിന്തുണച്ച് വീണ്ടും പി.സി ജോര്‍ജ് എം.എല്‍.എ. വിഷയത്തില്‍ ആദ്യമെടുത്ത നിലപാടില്‍ ഉറച്ചു നില്‍ക്കുന്നുവെന്നും ദിലീപിനെ നശിപ്പിക്കാന്‍ ശ്രമിച്ചവരുടെ ക്വട്ടേഷനാണ് നടിയെ ആക്രമിച്ചതിനു പിന്നിലെന്നും അദ്ദേഹം പറഞ്ഞു. നിലപാടിന്റെ പേരില്‍ മാധ്യമങ്ങള്‍ തന്നെ ക്രൂശിച്ചതിനെ തുടര്‍ന്ന് വ്യക്തിപരമായി നടത്തിയ അന്വേഷണത്തില്‍ ദിലീപ് നിരപരാധിയാണെന്ന് ഉറപ്പായിട്ടുണ്ട്. ദിലീപിനെ പിന്തുണച്ചതിനു തന്നെ പ്രതിയാക്കുന്നെങ്കില്‍ അതൊന്നു കാണണമെന്നും അദ്ദേഹം വെല്ലുവിളിച്ചു.