നടുവണ്ണൂര്‍: കാവുന്തറ ഗവ. വെല്‍ഫെയര്‍ എല്‍.പി സ്‌കൂളില്‍ നടന്ന നടുവണ്ണൂര്‍ പഞ്ചായത്ത് സ്‌കൂള്‍ ബാലകലോത്സവത്തില്‍ എലങ്കമല്‍ എ.എം.എല്‍.പി സ്‌കൂള്‍ ഒന്നാം സ്ഥാനം നേടി. നടുവണ്ണൂര്‍ ഗവ. എച്ച്.എസ്.എസ് രണ്ടാം സ്ഥാനവും കരുവണ്ണൂര്‍ ജി.യു.പി സ്‌കൂള്‍ മൂന്നാം സ്ഥാനവും നേടി.
അറബി സാഹിത്യോത്സവത്തില്‍ നടുവണ്ണൂര്‍ സൗത്ത് എ.എം.യു.പി സ്‌കൂള്‍, എലങ്കമല്‍ എല്‍.പി സ്‌കൂള്‍ എന്നിവ തുല്ല്യ പോയിന്റോടെ ഒന്നാം സ്ഥാനം നേടി. കാവുന്തറ യു.പി സ്‌കൂള്‍ രണ്ടാം സ്ഥാനവും നടുവണ്ണൂര്‍ ഗവ. എച്ച്.എസ്.എസ് മൂന്നാം സ്ഥാനവും നേടി.
പുരുഷന്‍ കടലുണ്ടി എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് യശോദ തെങ്ങിട അധ്യക്ഷയായി. പഞ്ചായത്ത് സ്റ്റാന്റിങ് കമ്മിറ്റി ചെയര്‍പെഴ്‌സണ്‍ ലത നള്ളിയില്‍, പഞ്ചായത്തംഗങ്ങളായ സി.കെ ബാലകൃഷ്ണന്‍, സി. കൃഷ്ണദാസ്, ഗീത ചോലയില്‍, ടി.വി സുധാകരന്‍, എ.ഇഒ സുനില്‍കുമാര്‍, എം.കെ ഗോപാലന്‍, പി.കെ ദിനേഷ്, ഒ.എം രാജന്‍ സംസാരിച്ചു. വിജയികള്‍ക്കുള്ള ട്രോഫികള്‍ പഞ്ചായത്ത് വൈസ് പ്രസിഡന്റ് പി. അച്യുതന്‍ വിതരണം ചെയ്തു.