കണ്ണൂര്‍: ഐ.എസ് ബന്ധം ആരോ പിച്ച് അറസ്റ്റിലായവരെ പോപുലര്‍ഫ്രണ്ടുമായി ബന്ധിപ്പിക്കാനുള്ള നീക്കം ദുരുദ്ദേശപരമാണെന്ന് ജില്ലാ പ്രസിഡന്റ് വി.കെ നൗഫല്‍. കണ്ണൂര്‍ സ്വദേശികളുടെ അറസ്റ്റുമായി ബന്ധപ്പെട്ട് സംഘടനക്കെതിരേ നടത്തുന്ന പ്രചാരണങ്ങള്‍ അടിസ്ഥാനരഹിതമാണ്. ഇത്തരം സംഘങ്ങളുമായി ബന്ധപ്പെടുന്നവര്‍ക്ക് പോപുലര്‍ ഫ്രണ്ടില്‍ ഇടമുണ്ടാവില്ല. സംഘടനയ്‌ക്കെതിരേ ചില കേന്ദ്രങ്ങള്‍ നടത്തുന്ന നീക്കങ്ങളെ നേരിടുകയും അത് ജനങ്ങള്‍ ഏറ്റെടുക്കുകയും ചെയ്ത സാഹചര്യത്തിലാണ് ഇത്തരം വാര്‍ത്തകളിലൂടെ തല്‍പരകക്ഷികള്‍ പുകമറ സൃഷ്ടിക്കാന്‍ ശ്രമിക്കുന്നതെന്നും അദ്ദേഹം പറഞ്ഞു.