പേരാമ്പ്ര: നിലവില്‍ ലഭിച്ചു വരുന്ന കര്‍ഷക പെന്‍ഷന് ഒന്നര ലക്ഷം രൂപ വരുമാന പരിധി നിശ്ചയിക്കുകയും എല്ലാ ക്ഷേമപെന്‍ഷനുകളും 1100 രൂപ നല്‍കുമ്പോള്‍ കര്‍ഷക പെന്‍ഷന്‍ മാത്രം 1000 രൂപയായി കുറക്കുകയും ചെയ്ത് കര്‍ഷക ക്ഷേമ ബോര്‍ഡ് രൂപീകരിക്കുമെന്നും 10 സെന്റ് മുതല്‍ അഞ്ച്എക്കര്‍ വരെയുള്ള എല്ലാ കര്‍ഷകര്‍ക്കും പെന്‍ഷന്‍ വര്‍ധിപ്പിച്ചു നല്‍കുമെന്നും പറയുന്നത് സര്‍ക്കാരിന്റെ ഇരട്ടത്താപ്പാണ് വ്യക്തമാക്കുന്നതെന്ന് കര്‍ഷക കോണ്‍ഗ്രസ് ജില്ലാ കമ്മറ്റി യോഗം അഭിപ്രായപ്പെട്ടു. പെന്‍ഷന്‍ 3000 രൂപയായി വര്‍ധിപ്പിക്കണമെന്ന് യോഗം ആവശ്യപ്പെട്ടു. പ്രസിഡന്റ് ഐപ്പ് വടക്കെത്തടം അധ്യക്ഷയായി. പി.കെ ജോസ്, രാജു തലയാട്, സി.എം ബാബു, ജോസ് കാരിവേലി, സി.പി നാരായണന്‍, അഡ്വ. വിജയന്‍ അത്തോളി, കുമാരന്‍ പാറകൊമ്പത്ത് സംസാരിച്ചു.