പാനൂര്‍: എം.ഇ.എസ് പബ്ലിക് സ്‌കൂളില്‍ സില്‍വര്‍ ജൂബിലി ആഘോഷങ്ങളുടെ ഭാഗമായി 9,10 ക്ലാസുകളിലെ വിദ്യാര്‍ഥികള്‍ സംഘടിപ്പിച്ച റിഗോ ലെയ്ഡ് സൈക്കോ കാര്‍ണിവല്‍ 2017 എന്ന പരിപാടിയും ഒപ്പം കിഡ്‌സ് പാര്‍ക്കിന്റെ ഉല്‍ഘാടനവും നടന്നു. മ്യൂസിക്ക് തെറാപ്പിയിലൂടെ മാനസിക ക്ഷമത എങ്ങിനെ വര്‍ധിപ്പിക്കാം എന്ന വിഷയത്തില്‍ സനല്‍ ക്ലാസെടുത്തു. ഉപബോധമനസിന്റെ പ്രവര്‍ത്തനം, മനുഷ്യന്റെ വൈകാരിക തലങ്ങളിലൂടെയുള്ള യാത്ര, ലൈഫ് സ്‌റ്റൈലിലുണ്ടായ പരിണാമം, അസാധ്യമായത് സാധ്യമാക്കുന്ന ഗെയിമുകള്‍ എന്നിവ കാര്‍ണിവലിന്റെ സവിശേഷതയായിരുന്നു. നിരവധി ആളുകള്‍ കാര്‍ണിവലിനോടനുബന്ധിച്ച് സ്‌കൂള്‍ സന്ദര്‍ശിച്ചു. കിഡ്‌സ് പാര്‍ക്കിന്റെ ഉദ്ഘാടനം പൂര്‍വവിദ്യാര്‍ഥി റിന്‍ഷാ ഷെറീഫ് നിര്‍വഹിച്ചു. പാനൂര്‍ എം.ഇ.എസ് ട്രസ്റ്റ് ചെയര്‍മാന്‍ ഡോ. ഷഹീദ്, സെക്രട്ടറി പി.പി സുലൈമാന്‍ ഹാജി എന്നിവര്‍ പരിപാടികള്‍ക്ക് നേതൃത്വം നല്‍കി.