കോതമംഗലം: ജില്ലയുടെ വിവിധ പ്രദേശങ്ങളിലെ നാടന്‍പക്ഷികളുടെയും ദേശാടനപക്ഷികളുടെയും കണക്കെടുപ്പ് ആരംഭിച്ചു. ബേഡ് അറ്റ്‌ലസ് പ്രൊജക്ട് പ്രകാരം നടക്കുന്ന സര്‍വേ ഇന്ത്യാ ബേഡ് കണ്‍സര്‍വേഷന്‍ നെറ്റ്‌വര്‍ക്ക്,കൊച്ചിന്‍ നാഷണല്‍ ഹിസ്റ്ററി സൊസൈറ്റി എന്നിവരും വനം വകുപ്പും പക്ഷി സ്‌നേഹികളും ചേര്‍ന്നാണ് നടത്തുന്നത്.
തൃശൂര്‍, ആലപ്പുഴ ജില്ലകളിലെ കണക്കെടുപ്പ് പൂര്‍ത്തിയാക്കിയശേഷമാണ് ഇപ്പോള്‍ എറണാകുളം ജില്ലയുടെ വിവിധ ഭാഗങ്ങളില്‍ കണക്കെടുപ്പ് ആരംഭിച്ചിട്ടുള്ളത്. പക്ഷികളുടെ സാന്ദ്രത, പ്രജനനകാലം, ആവാസവ്യവസ്ഥ എന്നിവയെല്ലാം നിരീക്ഷിച്ച് ഡേറ്റാ ബാങ്ക് ഉണ്ടാക്കുകയാണ് ലക്ഷ്യം. ആട്ടക്കുരുവി, ആനറാഞ്ചി, പാതിരാക്കൊക്ക്, ചെറിയ നീര്‍കാക്ക, മേനി പ്രാവ് തുടങ്ങി കേരളത്തില്‍ കാണപ്പെടുന്ന പക്ഷികളെ പരിചയപ്പെടുത്തുകയും സര്‍വേയുടെ ലക്ഷ്യമാണ് 2020ല്‍ കണക്കെടുപ്പ് പൂര്‍ത്തിയാകും.