റിയാദ്: സഊദി രാജകുമാരന്‍ അബ്ദുല്‍ അസീസ് ബിന്‍ ഫഹദ് കൊല്ലപ്പെട്ടതായി പ്രചരിക്കുന്ന വാര്‍ത്ത വ്യാജമാണെന്ന് റിപ്പോര്‍ട്ട്. സഊദി അറേബ്യന്‍ ഇന്‍ഫോര്‍മേഷന്‍ മന്ത്രാലയമാണ് ഇതുസംബന്ധിച്ച വിവരം പുറത്തുവിട്ടത്. രാജകുമാരന്‍ ജീവനോടെ തന്നെയുണ്ടെന്നും പ്രചരിക്കുന്നത് വ്യാജ വാര്‍ത്തയാണെന്നും സഊദി ഭരണകൂടം വാര്‍ത്താകുറിപ്പില്‍ വ്യക്തമാക്കി.

മുന്‍ ഭരണാധികാരി ഫഹദ് രാജാവിന്റെ ഇളയ മകനായ അബ്ദുല്‍ അസീസ് കൊല്ലപ്പെട്ടുവെന്ന് സൂചിപ്പിച്ച് കഴിഞ്ഞദിവസങ്ങളില്‍ സമൂഹമാധ്യമങ്ങളില്‍ വാര്‍ത്ത പ്രചരിച്ചിരുന്നു. സഊദി രാജകീയ കോടതിയെ ഉദ്ധരിച്ച് അറബിക് അല്‍ത്താഡ് ന്യൂസാണ് വാര്‍ത്ത റിപ്പോര്‍ട്ട് ചെയ്തതെന്നായിരുന്നു പ്രചാരണം. മലയാളത്തിലെ ചില ഓണ്‍ലൈന്‍ സൈറ്റുകളും ഇത് പ്രസിദ്ധീകരിച്ചു സഊദിയെ ഇകഴ്ത്താന്‍ ശ്രമം നടന്നിരുന്നു.