ചെറുവത്തൂര്‍: സംസ്ഥാന ടെക്‌നിക്കല്‍ ഹൈസ്‌കൂള്‍ കായികമേള ജനുവരി 11 മുതല്‍ 13 വരെ ചെറുവത്തൂര്‍ ഗവ. ടെക്‌നിക്കല്‍ ഹയര്‍ സെക്കന്‍ഡറി സ്‌കൂളില്‍ നടക്കും. സംഘാടക സമിതി ഓഫിസ് എം. രാജഗോപാലന്‍ എം.എല്‍.എ ഉദ്ഘാടനം ചെയ്തു. മാധവന്‍ മണിയറ അധ്യക്ഷനായി. മുന്‍ എം.എല്‍.എ കെ. കുഞ്ഞിരാമന്‍ ലോഗോ പ്രകാശനം ചെയ്തു. വെങ്ങാട്ട് കുഞ്ഞിരാമന്‍, കെ. നാരായണന്‍, കെ. സത്യഭാമ, വി. നാരായണന്‍, പി.യു രാമകൃഷ്ണന്‍ നായര്‍, കെ. പ്രദീപ്, സംസാരിച്ചു. വിദ്യാലയത്തിലെ ഗണിതശാസ്ത്ര അധ്യാപകന്‍ സി.എം ഹരിദാസാണ് കായികമേളയുടെ ലോഗോ രൂപകല്‍പന ചെയ്തത്.