ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ പരാമര്‍ശങ്ങള്‍ക്ക് രൂക്ഷ മറുപടിയുമായി  കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ആള്‍ക്കൂട്ടക്കൊലകള്‍ നടത്തുന്ന ബി.ജെ.പി ഭീകരവാദികളുടെ പാര്‍ട്ടിയാണെന്ന് ഖാര്‍ഗെ തുറന്നടിച്ചു. കോണ്‍ഗ്രസ് അര്‍ബന്‍ നക്‌സലുകളുടെ പാര്‍ട്ടിയാണെന്ന പ്രധാനമന്ത്രി നരേന്ദ്ര മോദിയുടെ പരാമര്‍ശത്തിനാണ് മല്ലികാര്‍ജുന്‍ ഖാര്‍ഗെയുടെ മറുപടി.

മോദി കോണ്‍ഗ്രസിനെ എപ്പോഴും അര്‍ബന്‍ നക്‌സല്‍ പാര്‍ട്ടി ആയാണ് ലേബല്‍ ചെയ്യുന്നത്. തന്റെ സ്വന്തം പാര്‍ട്ടിയെ കുറിച്ചെന്താണ് അദ്ദേഹത്തിന് പറയാനുള്ളത്. ബി.ജെ.പി ഭീകരരുടെ പാര്‍ട്ടിയാണ്. ആള്‍ക്കൂട്ട കൊലപാതകങ്ങളില്‍ പങ്കുള്ളവരാണ് അവര്‍. അത്തരം ആരോപണങ്ങള്‍ ഉന്നയിക്കാന്‍ മോദിക്ക് ഒരു അവകാശവുമില്ല' ഖാര്‍ഗെ പറഞ്ഞു.

കോണ്‍ഗ്രസിനെ നിയന്ത്രിക്കുന്ന ഒരുപറ്റം അര്‍ബന്‍ നക്‌സലുകളാണെന്നായിരുന്നു മോദിയുടെ പരാമര്‍ശം. കോണ്‍ഗ്രസിന്റെ അപകടകരമായ അജണ്ടയെ പ്രതിരോധിക്കാന്‍ എല്ലാവരും ഒരുമിച്ച് നില്‍ക്കണമെന്നും മോദി ആഹ്വാനം ചെയ്തിരുന്നു.

നമ്മള്‍ ഒന്നിച്ചാല്‍ അവരുടെ അജണ്ട നടപ്പിലാകില്ലെന്ന് അവര്‍ക്ക് അറിയാം. ദലിതരെ ദലിതരായും പാവപ്പെട്ടവരെ പാവപ്പെട്ടവരെ അതേ പോലെയും നിലനിര്‍ത്താനാണ് കോണ്‍ഗ്രസ് ആഗ്രഹിക്കുന്നത്. അര്‍ബന്‍ നക്‌സലുകളാണ് കോണ്‍ഗ്രസിനെ നയിക്കുന്നത്. രാജ്യത്തെ വിഭജിക്കുകയായിരുന്നു അവരുടെ ലക്ഷ്യമെന്ന് മഹാരാഷ്ട്രയിലെ വിദര്‍ഭയില്‍ നടന്ന റാലിയില്‍ പങ്കെടുത്ത് സംസാരിക്കുമ്പോള്‍ മോദി പറഞ്ഞത്.

Congress President Mallikarjun Kharge sharply rebukes Prime Minister Narendra Modi's allegations that Congress is an "urban naxal" party, labeling the BJP as a party of "terrorists" involved in mob killings. Kharge asserts that Modi has no right to make such claims, emphasizing the need for unity against the BJP's agenda. Modi had previously called for collective action to counter what he termed Congress's dangerous agenda during a rally in Vidarbha, Maharashtra.