തിരുവനന്തപുരം: തിരുവനന്തപുരത്തു നിന്നു പുറപ്പെട്ട ഇന്‍ഡിഗോ വിമാനത്തില്‍ ലാപ്‌ടോപിന് തീപിടിച്ചത് ആശങ്ക പരത്തി. ബംഗളൂരുവിലേക്ക് പറക്കുന്നതിനിടെയാണ് സംഭവം.

യാത്രക്കാരുടെ ബാഗിലുണ്ടായിരുന്ന ലാപ്‌ടോപാണ് കത്തിയത്. കരിഞ്ഞ മണം വന്നതോടെയാണ് പരിശോധന നടത്തിയത്. ഉടന്‍ അഗ്നിശമന ഉപകരണം ഉപയോഗിച്ച് തീയണയ്ക്കുകയായിരുന്നു.

തുടര്‍ന്ന് ലാപ്‌ടോപ് വെള്ളം നിറച്ച പെട്ടിയിലാക്കി ടോയ്‌ലറ്റില്‍ കൊണ്ടുപോയി. വിമാനം സുരക്ഷിതമായി ബംഗളാരൂവില്‍ നിലത്തിറക്കി.