പെരുവള്ളൂര്‍: നടുകര മിഫ്താഹുല്‍ ഉലൂം സെക്കന്‍ഡറി മദ്‌റസയ്ക്ക് പുതുതായി നിര്‍മിച്ച കെട്ടിടത്തിന്റെ ഉദ്ഘാടനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു.
കരിപ്പൂര്‍ റൊയ്ഞ്ച് പ്രസിഡന്റ് എം.വി അബ്ദുല്‍ കരീം മുസ്‌ലിയാര്‍ അധ്യക്ഷനായി. ബാപ്പു തങ്ങള്‍ സ്ദ്ധീഖാബാദ്, ആബിദ് ഹുദവി തച്ചണ്ണ, ഇ. മുഹമ്മദ് ഫൈസി, ഫൈസല്‍ മുസ്‌ലിയാര്‍, എ.അഷ്‌റഫ് മുസ്‌ലിയാര്‍, പി.മമ്മദ് ഹാജി, സി.പി മൊയ്തീന്‍ കുട്ടി ഹാജി, ടി.പി അസ്സൈന്‍ മാസ്റ്റര്‍, ഇഖ്ബാല്‍ വാഫി സംസാരിച്ചു. തുടര്‍ന്ന് നടന്ന മജ്‌ലിസുന്നൂര്‍ ആത്മീയ സംഗമത്തിന് അലവി കോയ തങ്ങള്‍ ബാഖവി കാടാമ്പുഴ നേതൃത്വം നല്‍കി. പി.കെ അബ്ദുസലാം ഫൈസി അധ്യക്ഷനായി. ഹംസ റഹ്മാനി കാഞ്ഞിരപ്പുഴ, ഉമ്മര്‍ മുസ്‌ലിയാര്‍, കെ.പി മൊയ്തീന്‍ കുട്ടി ഹാജി, സി.കെ ഖാദര്‍ ഹാജി, കെ.കെ അസീസ്, കെ.പി ഷിബിലി, പി.കെ ജഅ്ഫര്‍ സംസാരിച്ചു.