സുല്‍ത്താന്‍ ബത്തേരി: വിലയുണ്ടെങ്കിലും ഉല്‍പാദനത്തിലെ കുറവ് മൂലം ജില്ലയിലെ കൊക്കോ കര്‍ഷകര്‍ ദുരിതത്തില്‍. പൂവിട്ട് സമയത്ത് മഴ ലഭിക്കാത്തതും രോഗബാധയുമാണ് കര്‍ഷകര്‍ക്ക് തരിച്ചടിയായത്. ഈ വര്‍ഷം കൊക്കോക്ക് സമാന്യം നല്ലവിലയുണ്ടങ്കിലും അതിന്റെ ഗുണം കര്‍ഷകര്‍ക്ക് ലഭിക്കുന്നില്ല.
കൊക്കോ പൂവിടുന്ന ജൂണ്‍ ജൂലൈ മാസങ്ങളില്‍ ആവശ്യത്തിന് മഴലഭിച്ചില്ല. ഇക്കാരണത്താല്‍ തന്നെ കായ്ഫലം കുറഞ്ഞു. ഇതിനു പുറമെ രോഗബാധ കൂടിയായതോടെ കര്‍ഷകര്‍ പ്രതിസന്ധിയിലായിരിക്കുകയാണ്.
ചെടിയും കായും ഉണങ്ങി നശിക്കുന്ന രോഗമാണ് ഇപ്പോള്‍ ബാധിച്ചിരിക്കുന്നത്. നിലവില്‍ പച്ചക്കായ കിലോയ്ക്ക് 13രൂപ വിലയുണ്ടെങ്കിലും ഇതിന്റെ ഗുണം കര്‍ഷകര്‍ക്ക് ലഭിക്കുന്നില്ലെന്നാണ് കര്‍ഷകര്‍ പറയുന്നത്. ഈ സാഹചര്യത്തില്‍ കര്‍ഷകരെ സഹായിക്കുന്ന പദ്ധതികള്‍ കൃഷിവകുപ്പിന്റെ ഭാഗത്ത് നിന്നും ഉണ്ടാവണമെന്നുമാണ് ആവശ്യം ഉയരുന്നത്.