ശ്രീകണ്ഠപുരം: മടമ്പം റഗുലേറ്റര്‍ കം ബ്രിഡ്ജ് പരിസരത്ത് അനധികൃത മണല്‍ വാരല്‍ വ്യാപകം. അധികൃതര്‍ പരിശോധനയ്ക്ക് എത്താത്തതോടെ മടമ്പം, അലക്‌സ് നഗര്‍, പാറക്കടവ്, കാഞ്ഞിലേരി ഭാഗങ്ങളില്‍ ലോഡ് കണക്കിന് മണല്‍ കടത്തികൊണ്ടു പോവുകയാണ്. മറുനാടന്‍ തൊഴിലാളികളെയും സ്ത്രീകളേയും ഉപയോഗിച്ച് ചാക്കുകളില്‍ ശേഖരിച്ച് സമീപ പറമ്പുകളില്‍ സൂക്ഷിച്ചാണ് രാത്രികാലങ്ങളില്‍ ടിപ്പര്‍ ലോറികളിലും മറ്റും മണല്‍ കടത്തുന്നത്. കാലവര്‍ഷത്തെ തുടര്‍ന്ന് മടമ്പം പദ്ധതിയുടെ ഷട്ടറുകള്‍ കഴിഞ്ഞ ജൂണിലാണ് തുറന്നത്. മുന്‍ വര്‍ങ്ങളില്‍ നവംബറില്‍ ഇത് അടക്കാറുണ്ടെങ്കിലും ഇക്കുറി വൈകിയത് മണല്‍ വാരലുകാര്‍ക്ക് എളുപ്പമായിരിക്കുകയാണ്. അംഗീകൃത കടവുകളില്‍ നിന്ന് മണല്‍ കിട്ടാതിരിക്കുന്നതു മുതലെടുത്ത് മൂന്നിരട്ടിയോളെ വിലയ്ക്കാണ് ഇത്തരക്കാര്‍ മണല്‍ വില്‍ക്കുന്നത്.