ഹരിപ്പാട്: കായംകുളത്ത് നടന്ന ആലപ്പുഴ റവന്യൂ ജില്ലാ ശാസ്ത്രമേളയില്‍ ഇത്തവണയും മണ്ണാറശാല യു.പി സ്‌കൂളിന് മികച്ച നേട്ടം. സാമൂഹ്യ ശാസ്ത്രമേള യു.പി വിഭാഗത്തില്‍ ഒന്നാംസ്ഥാനം സ്‌കൂള്‍ നേടി.
ശാസ്ത്രമേള യു.പി, ഗണിത ശാസ്ത്രമേള യു.പി, പ്രവൃത്തി പരിചയമേള യു.പി എന്നിവയില്‍ രണ്ടാം സ്ഥാനവും മണ്ണാറശാല യു.പി.സ്‌കൂളിനാണ്. കൂടാതെ ശാസ്ത്രമേള എല്‍.പി, പ്രവൃത്തി പരിചയമേള എല്‍.പി എന്നിവയില്‍ മൂന്നാം സ്ഥാനവും നേടിയ മണ്ണാറശാല യു.പി സ്‌കൂളിലെ പതിനൊന്ന് വിദ്യാര്‍ത്ഥികള്‍ സംസ്ഥാന തല മത്സരത്തിന് യോഗ്യത നേടി. സ്‌കൂളിന് അഭിമാനകരമായ നേട്ടം സമ്മാനിച്ച വിദ്യാര്‍ത്ഥികളെ മാനേജ്‌മെന്റ്, സ്റ്റാഫ്, പി.ടി.എ അനുമോദിച്ചു.