കൊച്ചി: എസ്.വൈ.എസ്, എസ്.കെ.എസ്.എസ്.എഫ് കങ്ങരപ്പടി ശാഖ കമ്മറ്റികളുടെ ആഭിമുഖ്യത്തില്‍ ഹജ്ജ് യാത്രയയപ്പും ദുആ മജ്‌ലിസും മദ്‌റസ വിദ്യാര്‍ഥികള്‍ക്കുള്ളഅവാര്‍ഡ് ദാനവും നടത്തി. കങ്ങരപ്പടി ടൗണ്‍ഹാളില്‍ നടന്ന സംഗമം ഖുര്‍ആന്‍ സ്റ്റഡിസെന്റര്‍ ജില്ലാപ്രസിഡന്റ് എം.എം അബുബക്കര്‍ ഫൈസി ഉദ്ഘാടനം ചെയ്തു. എസ്.വൈ.എസ് ശാഖ പ്രസിഡന്റ് ടി.ഐ അബ്ദുള്‍ റഷീദ് അധ്യക്ഷനായി. തൃക്കാക്കര ജമാഅത്ത് മുദ്‌രിസ് അലിബാഖവി പ്രാര്‍ഥന നടത്തി. തൃക്കാക്കര ജമാഅത്ത് ഖത്തീബ് അബ്ദള്‍ലത്തീഫ് വാഫി മുഖ്യപ്രഭാഷണം നടത്തി. പ്രമുഖ പണ്ഡിതന്‍ പാനിപ്ര ഖാലിദ് ഉസ്താദ് ദുആ മജ്‌ലിസിന് നേതൃത്വം നല്‍കി. കളമശ്ശേരി നഗരസഭ വൈസ് ചെയര്‍മാന്‍ ടി.എസ് അബുബക്കര്‍ അവാര്‍ഡ്ദാനം നിര്‍വഹിച്ചു.
എസ്.വൈ.എസ് സംസ്ഥാന പ്രസിഡന്റ് എ.എം പരീത്, എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി പി.എം ഫൈസല്‍, ഖുര്‍ആന്‍ സ്റ്റഡിസെന്റര്‍ ജില്ലാസെക്രട്ടറി എം.ബി മുഹമ്മദ്, ട്രഷറര്‍ അബ്ദുള്‍സലാം ഹാജി, സി.എം അലി മൗലവി, സിയാദ് ഫൈസി, അബ്ദുള്ള മുസിലിയാര്‍, ടി.കെ കൊച്ചുണ്ണി ഹാജി, പി.ബി മജീദ്, പി.പി അസീസ്, പി.എം അജാസ്, കെ.എം കബീര്‍, എസ്.കെ.എസ്.എസ്.എഫ് ശാഖ പ്രസിഡന്റ് ഹാഫിസ് അബ്ദുള്ള, ട്രഷറര്‍ അഫ്‌സല്‍ ഹംസ എന്നിവര്‍ സംസാരിച്ചു.