ഗാന്ധിനഗര്‍: ഗുജറാത്ത് നിയമസഭാ തെരഞ്ഞെടുപ്പില്‍ ഒറ്റയ്ക്ക് മത്സരിക്കാന്‍ തീരുമാനിച്ച് എന്‍.സി.പി. കോണ്‍ഗ്രസിന്റെ 77 അംഗ സ്ഥാനാര്‍ഥി പട്ടിക പുറത്തുവന്നതിന് പിന്നാലെയാണ് എന്‍.സി.പിയുടെ പുതിയ തീരുമാനം. എന്‍.സി.പി നേതാവ് പ്രഫുല്‍ പട്ടേലാണ് ഇതുസംബന്ധിച്ച് പ്രഖ്യാപനം നടത്തിയത്. 182 നിയമസഭാ മണ്ഡലങ്ങളിലും എന്‍.സി.പിയ്ക്ക് സ്ഥാനാര്‍ഥികളുണ്ടാവും.

ഗുജറാത്തില്‍ കോണ്‍ഗ്രസുമായി സഖ്യം ചേര്‍ന്ന് മത്സരിക്കാനായിരുന്നു പാര്‍ട്ടി ആദ്യം തീരുമാനിച്ചിരുന്നത്. എന്നാല്‍ കോണ്‍ഗ്രസ് ഇക്കാര്യത്തില്‍ ഗൗരവം കാണിക്കുന്നില്ലെന്ന് പ്രഫുല്‍ പട്ടേല്‍ പറഞ്ഞു.

എന്‍.സി.പി സ്ഥാനാര്‍ഥി പട്ടിക ഇന്ന തന്നെ പുറത്തുവിടുമെന്നാണ് പ്രതീക്ഷിക്കുന്നത്. ഡിസംബര്‍ 7,14 തിയ്യതികളിലാണ് ഗുജറാത്തില്‍ തെരഞ്ഞെടുപ്പ് നടക്കുന്നത്.