കൊല്ലം: മല്‍സ്യത്തൊഴിലാളികളുമായി പോയ മിനിബസ് ചവറയില്‍ നിയന്ത്രണംവിട്ട് മറ്റുവാഹനങ്ങളിലിടിച്ച് നിരവധി പേര്‍ക്ക് പരുക്ക്. ഇന്നു വൈകിട്ട് മൂന്നരയ്ക്കായിരുന്നു അപകടം. കരുനാഗപ്പള്ളി ഭാഗത്തു നിന്നും കടലില്‍ പോകുന്ന മല്‍സ്യത്തൊഴിലാളികളുമായി പോയ മിനി ബസാണ് മുന്നേപോയ കെ.എസ്.ആര്‍.ടി.സി ഫാസ്റ്റ് പാസഞ്ചിറിന്റെ ഇടതുവശത്തു കൂടി ഓവര്‍ടേക്ക് ചെയ്തു അപകടത്തില്‍പ്പെട്ടത്. മിനിബസ് മോട്ടോര്‍ സൈക്കിള്‍,മില്‍മ വാന്‍,മറ്റു വാഹനങ്ങളിലും ഇടിക്കുകയായിരുന്നു. ശങ്കരമംഗലം പൊലിസ് സ്‌റ്റേഷനു മുന്നിലായിരുന്നു അപകടം.  പൊലിസും നാട്ടുകാരും രക്ഷാപ്രവര്‍ത്തനം നടത്തി.