കൊണ്ടോട്ടി: ചെരുപ്പിനുള്ളില്‍ മിശ്രിത രൂപത്തിലാക്കി ഒളിപ്പിച്ചുകടത്താന്‍ ശ്രമിച്ച 25.53 ലക്ഷത്തിന്റെ സ്വര്‍ണം പിടികൂടി. ഇന്നലെ രാവിലെ എയര്‍ ഇന്ത്യ എക്‌സ്പ്രസ് വിമാനത്തില്‍ കരിപ്പൂരിലെത്തിയ കോഴിക്കോട് കല്ലായ് സ്വദേശി നൗഷാദ് (51) ആണ് സ്വര്‍ണവുമായി പിടിയിലായത്.
രഹസ്യവിവരം ലഭിച്ചതിനെ തുടര്‍ന്ന് കോഴിക്കോട്ട് നിന്നെത്തിയ ഡി.ആര്‍.ഐ സംഘം നൗഷാദിനെ പിടികൂടി പരിശോധിക്കുകയായിരുന്നു. ഇയാള്‍ ധരിച്ച ചെരിപ്പിനുള്ളിലാണ് സ്വര്‍ണം ഒളിപ്പിച്ചിരുന്നത്. 838 ഗ്രാം സ്വര്‍ണമാണ് മിശ്രിതത്തില്‍നിന്ന് വേര്‍തിരിച്ചെടുത്തത്.