തേഞ്ഞിപ്പലം: കാലിക്കറ്റ് സര്‍വകലാശാലാ യൂനിയന്‍ തെരഞ്ഞെടുപ്പില്‍ എസ്.എഫ്.ഐക്ക് ഭരണത്തുടര്‍ച്ച. കോഴിക്കോട് ജില്ലാ എക്‌സിക്യൂട്ടീവ് എസ്.എഫ്.ഐക്ക് നഷ്ടമായപ്പോള്‍ വര്‍ഷങ്ങളായി എം.എസ്.എഫിന്റെ കൈകളിലായിരുന്ന മലപ്പുറം ജില്ലാ എക്‌സിക്യൂട്ടീവ് സ്ഥാനം പിടിച്ചെടുത്തു. കോഴിക്കോട് ആര്‍ട്‌സ് ആന്‍ഡ് സയന്‍സ് കോളജിലെ പി. സുജയെ ചെയര്‍പേഴ്‌സണായും മഞ്ചേരി എന്‍.എസ്.എസ് കോളജിലെ കെ. മുഹമ്മദലി ശിഹാബിനെ സെക്രട്ടറിയായും തെരഞ്ഞെടുത്തു. കോഴിക്കോട് ജില്ലാ എക്‌സിക്യൂട്ടീവ് അംഗമായി എം.എസ്.എഫിന്റെ നജ്മുസാഖിബ് ബിന്‍ മുഹമ്മദ് അബ്ദുല്ല അല്‍കബീര്‍ ഖാന്‍ (നാദാപുരം എം.ഇ.ടി ആര്‍ട്‌സ് ആന്‍ഡ് സയന്‍സ് കോളജ്) തെരഞ്ഞെടുക്കപ്പെട്ടു.
മുട്ടില്‍ ഡബ്ല്യു.എ.ംഒ ആര്‍ട്‌സ് ആന്‍ഡ് സയന്‍സ് കോളജിലെ അശ്വിന്‍ ഹസ്മി ആനന്ദാണ് വൈസ് ചെയര്‍മാന്‍. നിലമ്പൂര്‍ അമല്‍ കോളജ് ഓഫ് അഡ്വാന്‍സ്ഡ് സ്റ്റഡീസിലെ കെ.റസ്മി ലേഡി വൈസ്‌ചെയര്‍പേഴ്‌സണായും വടക്കാഞ്ചേരി വ്യാസ എന്‍.എസ്.എസ് കോളജിലെ അന്‍ഷ അശോകന്‍ ജോയിന്റ് സെക്രട്ടറിയായും തെരഞ്ഞെടുക്കപ്പെട്ടു.
ജില്ലാ എക്‌സിക്യൂട്ടീവ് അംഗങ്ങള്‍: ഇ.പി നിഖില്‍ നാരായണന്‍ (തൃത്താല ഗവ. ആര്‍ട്‌സ് ആന്‍ഡ് സയന്‍സ് കോളജ്, പാലക്കാട്, എന്‍.എസ് ഷിജില്‍ (കേരളവര്‍മ കോളജ്, തൃശൂര്‍), ടി. തന്‍സി (ഗവ. കോളജ്, മലപ്പുറം), എം.എം നന്ദകുമാര്‍ (സുല്‍ത്താന്‍ബത്തേരി സെന്റ് മേരീസ് കോളജ്, വയനാട്).