ശ്രീനഗര്‍: കശ്മിരില്‍ നിന്ന് അവസാനത്തെ ഭീകരനെയും തുരത്തുകയെന്ന ലക്ഷ്യവുമായി സുരക്ഷാ സേന നടത്തിയ സൈനിക നടപടിയില്‍ മൂന്ന് ഭീകരര്‍ കൊല്ലപ്പെട്ടു. ഹന്ദ്‌വാര ജില്ലയില്‍ നടത്തിയ പരിശോധനയിലാണ് മൂന്നുപേര്‍ കൊല്ലപ്പെട്ടത്. വെടിയേറ്റ് ഗുരുതരമായ പരുക്കുകളോടെ ഒരു ഭീകരനെ സൈന്യം പിടികൂടിയതായും വാര്‍ത്തയുണ്ട്. ഭീകരരുമായുണ്ടായ ഏറ്റുമുട്ടലിനിടയില്‍ ഒരു ഗ്രാമീണനും കൊല്ലപ്പെട്ടിട്ടുണ്ട്.
ഏറ്റുമുട്ടലിന്റെ പശ്ചാത്തലത്തില്‍ സോപോര്‍, ബാരാമുള്ള, ഹന്ദ്്‌വാര, കുപ്്‌വാര ജില്ലകളില്‍ ഇന്റര്‍നെറ്റ് സംവിധാനം താല്‍ക്കാലികമായി റദ്ദാക്കിയിട്ടുണ്ട്.
ഭീകരരുമായി ഏറ്റുമുട്ടലുണ്ടായ ഭാഗത്ത് പരിശോധന തുടരുകയാണെന്ന് സൈനിക വക്താവ് അറിയിച്ചു. കൊല്ലപ്പെട്ട മൂന്ന് ഭീകരരും പാക് വംശജരാണെന്ന് ജമ്മുകശ്മിര്‍ ഡി.ജി.പി അറിയിച്ചു.